Transcript
إنه ليس مخجلا بل إنه مرض الدمنشيا
وكمان شي بزعلني أنا عليه إنه كيف صار هيك بحالته وبتفكر كيف كان بالماضي وكيف صار اليوم
من هو بوجعني قلبي عليه كتير منو نتفه
إذا الله سخن الإنسان، مالازم حدا يشتفي فيه.
هن قالو عليه إنه الله ضاربه، هو هادا الله ضاربه لأنها خطيته.
انا متل اللي تأثرت بقلبي كتير، قلت هادول ما في الله بقلبهم. لو كان في الله بقلبهم ما بحكو عن إنسان مريض.
الله عاطيني الصبر والله عاطيني النور تأطلع فيه، لأنه شغلة متعبة كتير.
إن شاء الله يارب ما حدا بكون هيك، لأنه المسألة بدها صبر.
كنت ساكنة مع حماتي، حماتي عمرها حوالي 85 سنة، ولقيتها إنه بلشت إنها تضيع شوي.
أخذناها لعند الحكيم، والحكيم قلنا إنه هاي بقلولها ديمينشيا (Dimentia).
صارت تعذب بقا، صارت ما تاكل، ونجي على الحمام وقت لازم نحممها ، نقوم نعلق وقت الحمام،
لأ أنا هلأ اتحممت،
لأ يا ماما، لأ ليكي ثيابك، عيب عيب هلأ بيجو لعنا عالم بشفوهن إنه مجوين، قومي يلا تنتحمم
لأ لأ، وهي نضايفية وبتحب النضافة.
تقلي لأ لأ أنا هلأ متحممة، لأ لأ، أنا نضيفة أنا نضيفة
نعمل القهوة ونعمل حالنا إنه عم نعطيها قهوة، وقت بتشرب بالآخر، بنعمل إنه انكب الفنجان عليها جوية حالها، لأ لأ يلا قومي.
غير بالحيلة ما نقدر نقيمها على الحمام.
بس وقت إلي إجو المساعدة والممرضة إجت، صارت تقوم معهن بكل طيبة خاطر وما تعذب.
بينسى كل شي وكل شي كان عنده ما بتزكر، وكل شي معه ما بيتذكر ولا بيسأل على شي وبضل حاطط راسه ونايم، وهون العذاب
لا تروح على الدرب، ولا تدقر هيك، لا تعمل هيك، صفى يعيط ويقاتل، هلأ لأ، هلا بيقعد ما بيعرف شي.
أول حاجة لما بتظهر الأعراض دي أو الواحد بيفهم إنه في نسيان، في تغيير في التصرفات أو بيحصل ارتباك وكل الحجات دي،
أول حاجة لازم نعملها إنه يروح على الدكتور،
أوقات إحنا بنقول لأ بلاش إحنا مش مهم نروح الدكتور، لكن مهم جدا إنه إحنا نروح للطبيب
لأنه الطبيب بيعرفنا إذا الأعراض دي هي فعلا ديمنشيا أو فقدان ذاكرة أو أي مرض تاني
ممكن يكون اكتئاب ممكن يكون تغيير في الهرمونات ممكن يكون سكتة دماغية، ممكن يكون أي حاجة،
من المهم إنه إحنا نتأكد من الطبيب نفسه إلي هيعمل تشخيصات.
هنالك عدة كلمات ومصطلحات في اللغة العربية لترجمة الكلمة ديمنشيا،
ومنها فقداتن الذاكرة، الاختلال العقلي، الخرف، الخبل إلى آخره
لهذا في هذا الفيديو سنعتد على الكلمة ديمنشيا كما هي في اللغة الإنجليزية كي نفهمها جميعا.
إن عوارض الديمنشيا لا تظهر بين ليلة وضحاها أو بشكل مفاجي،
بل هي تتمثل في تغييرات تدريجية في تصرفات مريض على مدى أشهر وأحيانا على مدى سنين
فقد يلاحظ أن المريض ينسى أشياء بيسطة مرة في الأسبوع وأحيانا عدة مرات في اليوم
كمثل بسيط، فقد يذهب المريض المصاب في مرض الدمينشيا إلى الدكان لشراء شيء ما
ويأتي بدون أن يشتريه لأنه نسي لماذا ذهب إلى الدكان في الأساس.
مثل آخر، في مجتمع يتحدثون فيه الناس عن أخبار حصلت حديثا،
فيظهر المريض وكأنه في ضياع لأنه غير قابل على تذكر الأخبار التي حدثت ولا يمكنه استيعاب ما يجري حوله
وكان الأمر شيء جديد عليه، ومن المعلوم أنه قد سمع هذه الأخبار مسبقا.
كل هذه الأشياء البسيطة والتصرفات الغريبةK يجب أن تجعل أفراد العائلة يشتبهون في مرض الدمنشيا وأن يستشيرو طبيب العائلة فورا
كالنوع الأكثر شيوعا من أمراض الدمنشيا هو الألزهايمر دمنشيا والذي يمثل حوالي 60%
ويتليه ما يسمى بالفاسكيولار ديمنشيا (vascular dementia)
وأسبابه هي أمراض جسدية كارتفاع السكر والكولسترول والضغط.
هنالك أسباب أخرى لمرض الديمنشيا غير شائعة ولكن مهمه وهي الإدمان على الكحول والمخدرات.
هنالك عدة أدوية متوفرة لعلاج الديمنشيا وخاصة إذا بدأ العلاج في الفترات المبكرة من هذا المرض
لذلك أحب أن أذكر هنا بأهمية التشخيص المبكر للاستفادة الكاملة من الأدوية المتوفرة.
إذا واحد كسر رجله بروح وبجيب مساعدة، كمان مثل فقدان الذاكرة إنت بحاجة إلى حكيم أو طبيب
إذا ما كنت مبسوط من أول حكيم أو طبيب، فيك تحصل دائما على رأي تاني.
في كتير خدمات حكومية لمساعدتكن ومنهن ACAT فريق التقييم للعناية بالمسنين
بيقدرو يجيو لعندكن على البيت بيتحدثو معكن على أي حاجة إنتو بحاجة إلها
والموظفين المدربين هن اللي بيقدرو يساعدوكن لتقدرو تتفاهمو أفضل مع المرض وبساعدوكن كمان لتقدرو تضايرو معه.
هنالك نظرات عديدة وخاطئة في مجتمعنا حول مفهوم مرض الديمنشيا
فالكثيرون يحاولون أن يتحاشوه وعدم الاعتراف به ويتعاملون معه على أساس خاطئ غير صحيح
باعتباره مرضا عقليا أو نوع من الجنون أو أنه مرض معدي وأن المصاب به قد يشكل خطرا على المجتمع أو على أفراد عائلته
إنني أريد أن أوضح هنا مرة أخرى بأن مرض الديمنشيا هو مرض جسدي وكبقية الأمراض
وأنه غير معدي، بمعى أنه ليس بإمكان الشخص المريض بالديمنشيا أن يعطي هذا المرض لشخص آخر
كما في حالات أخرى كالإنفلونزا أو غيره من الأمراض المعدية.
مرض الديمنشيا أو فقدان الذاكرة مرض عاد ممكن يصيب أي واحد،
أحيانا إحنا بنتكسف منه وبنشعر بالخجل أو شخص يكون مجنون مثلا في البيت أو مش عاوزين نتكلم عنه في المجتمع،
لكن ده مرض عادي وأوقات كمان بنعزل الشخص ده في البيت وما بنتكلمش معاه، لكن مهم نضمه في الحديث
أحسن طريقة للاهتمام بالشخص اللي عنده ديمنشيا أو فقدان الذاكرة إنه نحنا يكون عندنا الدراية أو المعلومات الكافية
عشان نقدر نتعامل مع الموقف ومع الشخص ده.
كان في عندي سيدة أصيبت بمرض فقدان الذاكرة، بس بنتها ما كانت عارفة إنه هيك عم بصير معها،
كفصارت تُقلّي إنه إذا بتطبخلها طبخة وبتحطها قدامها بتقول أنا ما بدي آكل من هاد أنا عمري ما أكلت منه.
بتقلها أكلت منه الأسبوع الماضي، لأ ما أكلت منه، فبنتها فكرت إنه عم تعمل هيك عن قصد،
"ما بدي ما بدي...نتفة نتفة...ما بدي...ما إنت طول عمرك بتاكلي منه ليش هلأ ما بدك؟
ما بدي ما بدي...نتفة نتفة...ما بدي ما بحبه...نتفه نتفه ما إنت هداك اليوم أكلت منه...ما بدي مابدي...
صارلك عشرين سنة بتاكلي منه...ما بدي ما بدي ما بحبه ما بحبه...نتفه نتفه...ما بحبه ما بحبه ما بدي ما بدي"
فلما إجت، أعدت أنا واياها كمان في عنا موظفة مختصة بالمساعدات، فقعدنا وشرحنالها إيش عم بصير مع إمها
وكيف لازم هي تتعايش مع المرض وتطول بالها على أمها لأنه إمها مش عم تعمل عن قصد.
هاد المرض هاد مش إمها الحقيقية، بس إنه هاد مرض فقدان الذاكرة اللي عم بيعمل بإمها هيك.
"ما بدي ما بدي... ليش يا إمي ما بدك ما إنت طول عمرك عم تاكلي...
ما بحبه ما بدي...بلا يا إمي نتفه نتفه ...ما بحبه ما بدي...أوك أوك يا إمي خلاص خلاص ما بقى تعيطي، بجيبلك واحد غير...إيه ما بدي"
لصبر، الصبر حاجة مهم جدا وضرورية في الشخص القائم بالرعاية لأنه عاوز يتعامل مع الشخص ده
يمكن بكرر نفس القصص، يمكن بتصرف تصرفات مزعجة ممكن بتصرف تصرفات وهو مش الشخص اللي إحنا بنعرفه قبل كده،
فكل ده محتاج صبر علشان خاطر الظروف دي تمر بسلام وبهدوء بقدر الإمكان.
أحسن طريقة نهتم بالشخص اللي عنده ديمنشيا أو فقدان الذاكرة إنه إحنا يكون عندنا الدراية أو المعلومات الكافية
عشان نقدر نتعامل مع الموقف ومع الشخص ده.
في خدمة إسمها Day Care، Day care دي اللي هي الرعاية النهارية بيفوتو في الاتوبيس بيخادو الناس اللي هم مرضى
بيطلعو بشربو شاي بياكلو مع بعض بيعملو نشاطات، نشاطات مهمة علشان تعمل تحريك للمخ estimulation to the brain ,
وفي نفس الوقت الناس بنبسطو بيتقابلو مع بعض، دي حاجة مهمة جدا إنه الواحد يعيش حياته كأنها حياة عادية
الرعاية البديلة، يمكن إحنا مش واخدين على حد يجي يرعى حبيب لينا في البيت ونحنا نطلع برة،
لكن الرعاية البديلة دي خدمة مهمة لنرتاح، ولما نرتاح تقدر نرجع تاني نقوم بدورنا كما يجب.
الفوائد والايجابيات للشخص المصاب بفقدان الذاكرة لما بيجي عنا على مركز الرعاية،
أول شي بيجي بيتسلى مع أشخاص من جاليته، وبعدين بنقدملهم نشاطات متل طاولة الزهر، بلعب ورق، بلعبو بنجو،
أهم شي بالنسبة للعائلة إذا بيعرفو إنه في أحد أفراد العائلة مصاب بمرض فقدان الذاكرة
إنهم يحصلو على معلومات كتيرة، يحصلو على خدمات لأنه في مجود خدمات،
بعدين يسألو ناس مرو بالفترة هادي ويحكو مع بعض، كمان في عنا موظفة مختصة موجودة عنا في MCCI
هي وظيفتها إنه تساعد هالعائلات إلي بعانو من هاي الحالة، راح تساعدهم كيف يتعايشو مع المرض وتعطيهن النصائح والإرشادات.
كتر خيرهن هون الOption Community عم تتطلع فينا وتساعدنا وتيجي للمرضى تغسله كل يوم، وبيعدو ينطرو تاروح shopping
وهيك وبس، اللي بيطلع في العيلة متل هدول الله بيطلع فيهن.
إذا إنسان خسر ذاكرته ما إنه مستحي ولا لازم يستحو فيه وهادي على كل إنسان،
نحنا ما فينا نهدّي حالنا ما فينا نهدّي حالنا أبدا، يمكن اليوم، يمكن على بكرة، ما بنعرف امتين.
كل إنسان معه فقدان الذاكرة، بده الإنسان يعامله بلطافة وبحنية، لأنه هالقلب بعده هالقلب هو ذاته،
صحيح العقل مانو عم يفرز ويفكر متل ما لازم يفكر، بس بعده القلب والحنية والمحبة فيه.
للمساعدة على تأخير ظهور الديمنشيا:
· عمل فحوصات طبية باستمرار
· المداومة على تنشيط الذاكرة
· تناول الطعام الصحي
· ممراسة الرياضة البدنية
· بناء علاقات اجتماعية وقضاء وقت مع الأهل والأصدقاء
يعرض هذا DVD حكايات وتجارب شخصية ليس المقصود منه كمورد طبي
إذا رأيت أو لاحظت أي من الأعراض أو التصرفات التي نوقشت في هذا ال DVD
يرجى زيارة طبيبك المحلي للتشخيص والمشورة
أو الاتصال بأي من المؤسسات التالية التي سوف تكون قادرة على وصلك بالخدمات في منطقتك
للمزيد من المعلومات والمساعدات اتصلو على الأرقام التالية: